علی ظفر کا پہلا پشتو گانا جاری

معروف گلوکار علی ظفر کا پہلا پشتو گانا ریلیز ہوگیا۔

علی ظفر نے سوشل میڈیا پیغام کے ذریعے اپنے پہلے پشتو گانے کی ریلیز کے بارے میں بتایا۔

اس حوالے سے علی ظفر نے سماجی رابطے کی ویب سائٹ ٹوئٹر پر اپنے گانے کا مختصر ویڈیو کلپ شیئر کیا جس میں گلوکار کے ساتھ معروف پشتون گلوکارہ گُل پانڑہ کو بھی دیکھا جاسکتا ہے۔

علی ظفر اور گُل پانڑہ کے اس نئے گانے کا نام ’لار شہ پخور‘ ہے جس میں اُنہوں نے پشتون ثقافت کو بڑی ہی خوبصورتی سے دِکھایا ہے جبکہ یہ گانا گزشتہ روز پشتون کلچر ڈے کے موقع پر ریلیز کیا گیا۔

علی ظفر کے پہلے پشتو گانے کا ٹیزر جاری

گلوکاری کے ساتھ ساتھ اداکاری کی دُنیا میں بھی شہرت پانے والے معروف گلوکار و اداکار علی ظفر نے اپنے پہلے پشتو گانےکا ٹیزر جاری کردیا۔

گلوکار نے اپنے ٹوئٹ میں اپنے گانے کا یوٹیوب لِنک بھی شیئر کیا اور مداحوں سے مخاطب ہوتے ہوئے لکھا کہ ’لِنک پر کلک کرکے تیز آواز میں میرے پہلے پشتو گانے کو انجوائے کریں۔‘

سوشل میڈیا صارفین کی جانب سے علی ظفر اور گُل پانڑہ کے اس پہلے پشتو گانے کو بہت زیادہ پسند کیا جارہا ہے۔

علی ظفر کا سندھی، بلوچی کے بعد پشتو میں گانا جاری کرنے کا اعلان

گلوکاری کے ساتھ ساتھ اداکاری کی دُنیا میں بھی شہرت پانے والے معروف گلوکار و اداکار علی ظفر نے کہا ہے کہ وہ اب سندھی، بلوچی کے بعد پشتو زبان میں بھی اپنا گانا جاری کرنے والے ہیں۔

واضح رہے کہ گزشتہ دنوں علی ظفر نے اپنے سوشل میڈیا پیغام میں بتایا تھا کہ وہ اب سندھی، بلوچی کے بعد پشتو زبان میں بھی اپنا گانا جاری کرنے والے ہیں۔