پنڈورا پیپرز: 700 پاکستانیوں کے نام سامنے آگئے

پنڈورا پیپرز میں آف شور کمپنیاں رکھنے والے 700 سے زائد پاکستانیوں کے نام سامنے آگئے۔

پنڈورا پیپرز کی آف شور کمپنیوں کی لسٹ میں وزیر خزانہ شوکت ترین، وفاقی وزیر مونس الہٰی، سینیٹر فیصل واوڈا اور سینئر وزیر پنجاب عبدالعلیم خان کے نام بھی موجود ہیں۔

پنڈورا پیپرز کی فہرست میں ن لیگ کے سابق وزیر خزانہ اسحاق ڈار کے بیٹے کا نام بھی آگیا ہے جبکہ پی پی کے شرجیل میمن بھی اس لسٹ کا حصہ ہیں۔

پنڈورا پیپرز: متعدد سابق فوجی افسران کے نام بھی آگئے

پنڈورا پیپرز میں متعدد سابق فوجی افسران کی آف شور کمپنیاں بھی سامنے آگئیں۔

پنڈورا پیپرز میں وفاقی وزیر صنعت خسرو بختار کے اہل خانہ کے نام بھی آف شور کمپنی نکل آئی ہے۔

اس لسٹ میں وزیراعظم کے سابق معاون خصوصی وقار مسعود کے بیٹے اور ایگزیکٹ کمپنی کے مالک شعیب شیخ کے نام بھی آف شور کمپنی نکل آئی ہے۔

پنڈورا پیپرز: کچھ غیر ملکی رہنماؤں کے نام بھی سامنے آ گئے

پنڈورا پیپرز میں کچھ غیر ملکی سربراہان مملکت اور نامور سیاسی شخصیات کے نام بھی سامنے آگئے ہیں ۔

پنڈورا پیپرز کی فہرست میں کچھ ریٹائرڈ فوجی افسران، کچھ بینکار، کچھ کاروباری شخصیات اور کچھ میڈیا مالکان کے نام بھی شامل ہیں۔