لاہور( مانیٹرنگ ڈیسک) مقصدیت ، حقیقت پسندی اور اعلٰی کردار نگاری کو خوبصورت اشعار اور نثر میں پرو دینے والے شاعر ، افسانہ نویس اور ادیب احمد ندیم قاسمی کی 101ویں سالگرہ منائی جا رہی ہے۔شاعر ، افسانہ نویس ،صحافی اور ادیب احمد ندیم قاسمی 20 نومبر 1916 کو آنگہ، ڈسٹرکٹ خوشاب میں پیدا ہوئے۔ لازوال ادبی خدمات کے اعتراف میں انہیں 1968 میں پرائڈآف پرفارمنس اور 1980میں ستارہ امتیاز سے نوازا گیا۔ احمد ندیم قاسمی نے ادب کی ہر صنف میں طبع آزمائی کی۔صحافت ، تنقید ، فکشن اور شاعری پر 50 سے زائد کتب لکھیں۔ ان کے شعری مجموعے رم جھم ، جلال وجمال ، شعلہ گل ، دشت وفا، اور افسانوی مجموعے چوپال ، طلوع و غروب ، سیلاب و گرداب ، آنچل ، آبلے، آس پاس ، درو دیوار ، سناٹا ، بازار حیات مقبول عام ہوئے۔ خوبصورت غزلوں کا خالق اور اچھوتے افسانوں کا مصنف مختصر علالت کے بعد 90برس کی عمر میں10 جولائی 2006 کو لاہور میں دنیا فانی سے کوچ کر کے اپنے چاہنے والوں کو داغ مفارقت دے گیا۔
فرمان الہی
نماز کے اوقات
