کوئٹہ میں سریاب روڈ پر بلوچستان یونیورسٹی کے قریب ہونے والے دھماکے کا مقدمہ درج کرلیا گیا ہے۔
سی ٹی ڈی حکام کا کہنا ہے کہ سریاب روڈ دھماکے کا مقدمہ سی ٹی ڈی تھانے میں درج کیا گیا ہے، مقدمہ نامعلوم دہشت گردوں کیخلاف انسداددہشت گردی دفعات کے تحت درج کیا گیا۔
خیال رہے کہ گزشتہ شام سریاب روڈ دھماکے میں ایک پولیس اہلکار جاں بحق اور 13 اہلکاروں سمیت 16 افراد زخمی ہوگئے تھے۔
وفاقی وزیر داخلہ شیخ رشید احمد نے کوئٹہ میں سریاب روڈ پر ہوئے بم دھماکے کی رپورٹ طلب کرلی ہے۔
شیخ رشید احمد نے دھماکے میں شہید پولیس اہلکار کے لواحقین سے اظہار ہمدردی کرتے ہوئے کہا تھا کہ دہشت گردوں کو بلوچستان کا امن تباہ نہیں کرنے دیں گے۔