ملک کے دوسرے بڑے شہر اور صوبۂ پنجاب کے دارالخلافہ لاہور میں اسموگ کے خاتمے کے لیے انتظامیہ نے کارروائیاں شروع کر دیں۔
کمشنر لاہور کے مطابق 108 سے زائد بھٹوں کو زگ زیگ ٹیکنالوجی پر منتقل کیا گیا ہے۔
انہوں نے بتایا ہے کہ 80 فیصد انڈسٹریز میں ڈرائی اور واٹر اسکربر لگے ہوئے ہیں۔
کمشنر لاہور نے بتایا کہ دھواں چھوڑنے والی انڈسٹریز کو کنٹرول کیا جائے گا۔
کمشنر لاہور کے ترجمان نے بتایا کہ فصلوں کی باقیات جلانے پر 2 کسانوں کو گرفتار کیا گیا ہے، برکی روڑ پر ایک بھٹہ مالک کو گرفتار کرلیا گیا۔