کراچی کے علاقے کورنگی میں واقع پلاسٹک کے گودام میں آگ لگ گئی جسے 3 فائر ٹینڈرز کی مدد سے بجھا دیا گیا۔
فائر بریگیڈ حکام کے مطابق کورنگی میں ناصر کالونی کے علاقے میں واقع پلاسٹک کے گودام میں آگ لگ گئی۔
فائر بریگیڈ کی 3 گاڑیوں کی مدد سے کافی جدوجہد کے بعد آگ پر قابو پا لیا گیا۔
آگ کے باعث کوئی جانی نقصان نہیں ہوا جبکہ آگ لگنے کی وجہ معلوم نہیں ہو سکی۔
علاقہ مکینوں کا کہنا ہے کہ اس طرح کے گودام رہائشی علاقے میں ہونا علاقہ مکینوں کے لیے خطرناک ہے۔
واضح رہے کہ حالیہ دنوں میں کراچی میں آگ لگنے کے واقعات میں خطرناک حد تک اضافہ ہوا ہے۔