گزشتہ سال کے آخر میں جڑواں بچوں کی والدہ بننے والی بالی ووڈ اداکارہ پریتی زنٹا نے اپنے بچوں کے ساتھ نئی سیلفی سوشل میڈیا پر شیئر کردی۔
فوٹو اینڈ ویڈیو شیئرنگ ایپ انسٹاگرام پر پریتی زنٹا نے اپنی نئی سیلفی شیئر کی ہے جس میں اُن کی گود میں اُن کے جڑواں بچوں میں سے ایک بچہ موجود ہے۔
انسٹاگرام پر شیئر کی گئی سیلفی میں پریتی کی گود میں موجود بچے کا چہرہ نظر نہیں آرہا۔
سیلفی میں پریتی زنٹا بےحد خوش نظر آرہی ہیں یعنی وہ والدہ بن کر بےحد اچھا محسوس کررہی ہیں۔
پریتی زنٹا نے اپنی پوسٹ کے کیپشن میں لکھا کہ ’مومی وائبز۔‘
واضح رہے کہ گزشتہ سال کے آخر میں پریتی زنٹا کی جانب سے اپنے ہاں جڑواں بچوں کی پیدائش کی خبر سوشل میڈیا پر شیئر کی گئی تھی جس نے سوشل میڈیا صارفین کو چونکا دیا تھا۔
پریتی زنٹا نے اپنے شوہر جین گڈ اینف کے ساتھ تصویر شیئر کرتے ہوئے انٹرنیٹ صارفین کو بتایا تھا کہ وہ دونوں جڑواں بچوں کے والدین بن گئے ہیں۔