قومی کرکٹ ٹیم کے سابق فاسٹ بولر شعیب اختر نے آسٹریلین کرکٹ ٹیم کے مایہ ناز کھلاڑی بریٹ لی کے ہمراہ 22 برس پُرانی یاد تازہ کردی۔
شعیب اختر نے انسٹاگرام پر سال 2000 اور 2022 کا موازنہ کرتی ایک تصویر شیئر کی جس میں ان کے ہمراہ معروف کرکٹر بریٹ لی اور انٹرپنیور کامل خان کھڑے ہیں۔
شعیب اختر نے تصویر شیئر کرتے ہوئے ان دونوں سے دوستی کو لازوال قرار دیا۔
خیال رہے کہ شعیب اختر آج کل لیجنڈز لیگ کے لیے عمان میں موجود ہیں، لیجنڈز کرکٹ لیگ کا فائنل آج ایشیا لائنز اور ورلڈ جائنٹس کے درمیان کھیلا جائے گا۔
ایشیا لائنز ٹیم میں مصباح الحق، شعیب اختر، جے سوریا، مرلی دھرن اور دیگر نامور کھلاڑی شامل ہیں ۔
ورلڈ جائنٹس کی ٹیم میں کیون پیٹرسن، بریٹ لی، جونٹی رہوڈز، ڈینئل ویٹوری جیسے مشہور کرکٹرز شامل ہیں۔
آخری لیگ میچ میں ورلڈ جائنٹس نے انڈیا مہاراجاز کو 5 رن سے شکست دی تھی۔ ایونٹ کے تمام میچز جیو سوپر براہ راست نشر کررہا ہے۔