پاکستان ورلڈ کپ کی خطرناک اور بہترین ٹیم ہے، میتھیو ہیڈن

May 25, 2024

پاکستان کرکٹ ٹیم کے سابق بیٹنگ کوچ میتھیو ہیڈن نے کہا ہے کہبابر اعظم ایک اچھے لیڈر ہیں ان کو ہی کپتان ہونا چاہیے۔پاکستان کی ٹیم اس ورلڈ کپ کی خطرناک اور بہترین ٹیم ہے۔

غیر ملکی میڈیا سے گفتگو میں سابق آسٹریلوی بلے باز میتھیو ہیڈن کا کہنا تھا کہ پاکستان ٹی ٹوئنٹی اسکواڈ ہمیشہ کی طرح ورلڈ کپ میں ڈارک ہارس کی طرح ہے۔

انہوں نے کہا کہ پاکستان کی فاسٹ بولنگ بہت ہی اچھی ہے۔ شاہین، حارث، محمد عامر سمیت نسیم شاہ کی اس ورلڈکپ میں واپسی بہت اہم ہے۔

میتھیو ہیڈن کا کہنا تھا کہ شاداب خان مڈل اوور میں اچھے اسپنر ہیں اور پاور ہٹر بھی ہیں۔ بابر اعظم ایک اچھے لیڈر ہیں ان کو ہی کپتان ہونا چاہیے۔

سابق پاکستانی کوچ کا کہنا تھا کہ محمد رضوان کے ساتھ فخر زمان بہت ہی خطرناک بیٹر ہیں۔

انہوں نے کہا کہ پاکستان کی فیلڈنگ اچھی نہیں رہتی، امید ہے اس مرتبہ اچھی پرفارمنس نظر آئے گی۔ پاکستان کی ٹیم اس ورلڈکپ کی خطرناک اور بہترین ٹیم ہے۔