پاکستان اور انگلینڈ ویمنز ٹیموں کے درمیان دوسرا ون ڈے میچ بارش کے باعث منسوخ کردیا گیا۔
ٹاؤنٹن میں آج پاکستان ویمنز ٹیم نے ٹاس جیت کر پہلے بیٹنگ کا فیصلہ کیا تھا۔
میچ میں 6.5 اوورز میں پاکستان ویمنز ٹیم نے بغیر نقصان کے 29 رنز بنائے تھے کہ جس کے بعد میچ بارش کے باعث روک دیا گیا۔
پاکستان کی صدف شمس 18 اور سدرہ امین 7 رنز پر ناٹ آؤٹ ہیں۔
مسلسل بارش کے باعث کھیل مزید نہ ہوسکا اور میچ منسوخ کردیا گیا۔
واضح رہے کہ 3 میچوں پر مشتمل سیریز میں انگلینڈ کو ایک صفر کی برتری حاصل ہے۔
انگلینڈ ویمنز کرکٹ ٹیم نے پہلے ون ڈے میں پاکستان ویمنز ٹیم کو 37 رنز سے ہرایا تھا۔