ناظم جوکھیو قتل کیس میں پراسیکیوٹر جنرل سندھ نے آئی جی پولیس کو کیس کے تفتیشی افسر کی تبدیلی کے لیے خط لکھ دیا۔
آئی جی سندھ کو لکھے گئے خط میںکہا گیا ہے کہ تفتیشی افسر نے کیس کا چالان جمع کرانے کے عمل میں قانون کی خلاف ورزی کی،تفتیشی افسر نے پراسیکیوٹر جنرل سے چالان کی اسکروٹنی نہیں کرائی۔
پراسیکیوٹر جنرل سندھ نے کہا کہ سندھ ہائی کورٹ کے حکم پر چالان پراسیکیوٹر آفس جمع کرایا گیا، تاہم پراسیکیوٹرجنرل کی ہدایت پر چالان کی خامیاں دور نہیں کیں، تفتیشی افسر بھی تاحال غائب ہے۔
خط میںمزید کہا گیا ہے کہ ایڈیشنل آئی جی فنانس، تفتیشی افسر کیخلاف کارروائی کی جائے۔