فرمان الہی
نماز کے اوقات
یورپی ڈیفنس کی تجزیاتی ویب سائٹ نے ایس 400 کی تباہی پاک بھارت جنگ کا سب سے بڑا واقعہ قرار دے دیا۔
بلغاریہ ملٹری ریویو کے مطابق پاکستان کے جوابی حملے میں ایس 400 کی تباہی ہوئی ہے تو یہ سب سے زیادہ ہائی پروفائل واقعہ ہے، آدم پور بیس شمالی بھارت کا مرکزی بیس، سخوئی اسکواڈرن مرکز اور سرحد سے 100 کلومیٹر دور ہے۔
بلغاریہ ملٹری ریویو کے مطابق انتہائی اہم ایئر بیس پر روسی سسٹم کی تباہی سے بھارتی دفاع کمزور پڑ گیا، پاکستان نے ہائپر سونک، جے ایف تھنڈر میں لگایا ہے تو حملہ آوری صلاحیت بہت بڑھ گئی۔
ڈیفنس ریویو کے مطابق ہو سکتا ہے کہ پاکستان نے چین کے ہائپر سونک میزائلوں کا مقامی ماڈل تیار کیا ہو، ایس 400 کی تباہی کے بھارت کی دفاعی حکمت عملی پر دور رس نتائج ہوں گے، ایس 400 سیچوریشن حملوں یا ریڈار و کمانڈر پر حملہ کیے جانے پر کمزور پڑ جاتا ہے۔
بلغاریہ ملٹری ریویو کا کہنا ہے کہ یہ علامتی پیغام بھی گیا کہ پاکستان بھارت کے بہت اندر جا کر حملہ کرنے کی صلاحیت رکھتا ہے۔
