وزیراعظم عمران خان کے مشیر پارلیمانی امور بابر اعوان نے کہا ہے کہ عدم اعتماد پر ہماری تیاری مکمل ہے، سرپرائز دیں گے۔
اسلام آباد میں میڈیا سے گفتگو میں بابر اعوان نے کہا کہ تحریک عدم اعتماد میں بہت بڑے پیمانے پر باہر کا پیسہ استعمال ہورہا ہے۔
انہوں نے کہا کہ آج ڈالرز اور پاؤنڈز چلائے جارہے ہیں، خریدے ہوئے اراکین کو کہا جارہا ہے الیکشن کمیشن نااہلی کا فیصلہ 6 مہینے میں کرے گا۔
مشیر پارلیمانی امور نے مزید کہا کہ خریدے گئے ارکان کو کہا گیا کہ نااہلی کچھ عرصے کی ہوگی۔
اُن کا کہنا تھا کہ ہماری تیاری مکمل ہے، ہم سرپرائز دیں گے، وزیراعظم نے پارلیمانی پارٹی کو ہدایت کردی کہ اراکین ووٹنگ میں نہیں جائیں گے۔