کراچی کے باغ جناح میں تحریک انصاف کے جلسے سے خطاب کرتے ہوئے سابق وزیر خارجہ شاہ محمود قریشی نے کہا ہے کہ مراسلے پر شک ہے تو جوڈیشل کمیشن بنائیں دودھ کا دودھ اور پانی کا پانی ہوجائے گا۔
اس موقع پر اسد عمر نے خطاب کرتے ہوئے کہا کہ ملک میں سیاست دانوں کی منڈی لگی ہوئی ہے، حکومت حرام کی دولت سے تبدیل کی گئی۔
انہوں نے کہا کہ سات سمندر پار سے حکم آیا اور راتوں رات اتحاد ٹوٹ گیا۔
تحریک انصاف کے جلسے سے عمران اسماعیل، سابق وفاقی وزیر علی زیدی اور دیگر رہنماؤں نے بھی خطاب کیا۔