وزیر اطلاعات مریم اورنگزیب نے پاپولیشن کونسل کے قیام کی 70ویں سالگرہ کی تقریب سے خطاب میں تجویز پیش کی ہے کہ بڑھتی آبادی پر قابو پانے کے لیے صوبے الگ وزارتیں قائم کریں۔ جلد اس کے لیے نیشنل ایمرجنسی پلان دیا جائے گا۔
مریم اورنگزیب نے کہا کہ وزیراعظم شہباز شریف نے آئندہ ہفتے نیشنل ٹاسک فورس کا اجلاس طلب کر لیا ہے۔
انہوں نے کہا کہ آبادی کے لحاظ سے پاکستان دنیا کا پانچواں بڑا ملک بن چکا ہے۔
وزیر اطلاعات نے کہا کہ موسمیاتی تبدیلیوں کی تباہی کی طرح بڑھتی آبادی بھی خطرے کی گھنٹی ہے۔ پاکستان کی آبادی 2 فیصد سالانہ کی رفتار سے بڑھ رہی ہے۔