پاکستان تحریک انصاف (پی ٹی آئی) کے چیئرمین عمران خان کا کہنا ہے کہ ملک میں جب تک رول آف لاء نہیں ہوگا ملک ترقی نہیں کرے گا، ملک کی معاشی صورتحال کے ذمہ دار جنرل (ر) باجوہ ہیں۔
وکلا گروپ کے وفد نے پی ٹی آئی چیئرمین عمران خان سے ملاقات کی۔
عمران خان نے کہا کہ امریکا کی غلامی سے نکلنا ہے تو ملک میں رول آف لاء لانا ہوگا۔
پی ٹی آئی چیئرمین نے کہا کہ تمام ادارے اپنی حدود میں کام کریں، اسمبلیوں کو تحلیل کرنا ہمارا آئینی حق ہے۔
وکلا نے عمران خان کو یقین دہانی کروائی کہ گورنر پنجاب کا اقدام غیر قانونی ہے، اس حوالے سے منظور وٹو کیس بالکل کلیئر ہے۔
وکلا نے کہا کہ عمران خان نے ٹاسک دیا ہے ملک بھر میں رول آف لاء کی تحریک کو زوروں سے چلایا جائے۔