لاہور کی تاریخی درس گاہ کنگ ایڈورڈ میڈیکل یونیورسٹی میں شادی کے فوٹو شوٹ کرنے والے جوڑے کے خلاف مقدمہ درج کرنے کی درخواست دے دی گئی۔
کنگ ایڈورڈمیڈیکل یونیورسٹی کے رجسٹرار کا کہنا ہے کہ فوٹوشوٹ کرنے والے جوڑے کے خلاف ایف آئی آراندراج کی درخواست دے دی ہے۔
رجسٹرار نے کہاکہ فوٹوشوٹ کرانے والی دلہن کنگ ایڈورڈ میڈیکل یونیورسٹی کی گریجویٹ ہے،یونیورسٹی کے3ملازمین کےخلاف پیڈا ایکٹ کے تحت کارروائی شروع کردی ہے۔
یونیورسٹی کے رجسٹرار کا کہنا ہے کہ3 رکنی کمیٹی واقعےکی تحقیقات کر رہی ہے،3 دن میں واقعےکی حتمی رپورٹ پیش کر دی جائے گی۔
واضح رہے کہ گزشتہ روز لاہور کی تاریخی درس گاہ کنگ ایڈورڈ میڈیکل یونیورسٹی میں شادی کے فوٹو شوٹ پر یونیورسٹی انتظامیہ نے نوٹس لیا تھا۔