پاکستان کرکٹ ٹیم کے چیف سلیکٹر شاہد خان آفریدی نے گزشتہ روز قومی ٹیم کے کھلاڑیوں اور کوچز کی اپنے گھر پر دعوت کی۔
شاہد آفریدی نے کھلاڑیوں کو اپنے گھر مدعو کیا تھا اور اب انہوں نے اس دعوت کی ویڈیو سوشل میڈیا پر شیئر کی ہے۔
کپتان بابر اعظم اور آسٹریلیا سے تعلق رکھنے والے بولنگ کوچ شان ٹیٹ سمیت ٹیم کے کھلاڑیوں اور کوچز کا شاہد آفریدی نے خود دروازے پر استقبال کیا۔
پاکستان کرکٹ ٹیم کے کپتان بابر اعظم اور دیگر کھلاڑیوں نے شاہد آفریدی کے گھر اسنوکر بھی کھیلا۔
اس دوران کھلاڑیوں نے آپس میں بہت اچھا وقت گزارا اور شاہد آفریدی بھی کھلاڑیوں کے ساتھ گھل مل گئے۔
دعوت کے موقع پر کھلاڑیوں کے لیے کئی اقسام کے کھانوں کا بھی اہتمام کیا گیا تھا۔