وزیر مملکت فیصل کریم کنڈی کا کہنا ہے کہ عمران خان نے آصف زرداری پر الزام تراشی کرکے خطرناک کھیل کھیلا ہے۔
فیصل کریم کنڈی نے اپنے ایک بیان میں کہا کہ عمران خان نے پیپلزپارٹی کی قیادت کی زندگیوں کو خطرے میں ڈال دیا۔
ان کا کہنا تھا کہ عمران خان نے آصف زرداری پر الزام تراشی کرکے دہشت گردوں سے مدد مانگی ہے۔
فیصل کریم کنڈی نے کہا کہ عمران خان کے دہشت گردوں کے حق میں بیانات ریکارڈ پر ہیں۔
انہوں نے کہا کہ عمران خان کی سازشی ذہنیت سے ملک کو خطرہ ہے، پیپلز پارٹی عمران خان کے خلاف قانونی کارروائی کرے گی۔