وفاقی وزیرِاطلاعات مریم اورنگزیب نے چوہدری شجاعت کو الیکشن کمیشن کی جانب سے مسلم لیگ ق کا صدر برقرار رکھنے کے فیصلے پر مبارک باد پیش کی ہے۔
جاری کیے گئے بیان میں وفاقی وزیرِاطلاعات مریم اورنگزیب کا کہنا ہے کہ چوہدری شجاعت حسین کو فتح مبارک ہو۔
ان کا کہنا ہے کہ چوہدری شجاعت حسین سے پاکستان مسلم لیگ ق چھیننے کے فسطائی ذہن کو شکست ہوئی ہے۔
وفاقی وزیرِاطلاعات نے مزید کہا ہے کہ الیکشن کمیشن کا آرڈر پیغام ہے کہ فیصلے آئین اور قانون کی روشنی میں ہوں گے۔
مریم اورنگزیب کا یہ بھی کہنا ہے کہ اب ہر کام آئین اور قانون کے مطابق ہو گا۔