وزیر داخلہ رانا ثناء اللّٰہ نے کہا ہے کہ پوری قوم دہشت گردی کے خلاف جنگ میں متحد ہے۔
اسلام آباد سے جاری بیان میں وزیر داخلہ نے پاک ایران سرحد پر سیکیورٹی فورسز پر حملے کی مذمت کی۔
رانا ثناء اللّٰہ نے حملے میں شہید ہونے والے 4 سیکیورٹی اہلکاروں کو خراج عقیدت پیش کیا اور شہداء کے درجات کی بلندی اور اہل خانہ کے لئے صبر جمیل کی دعا کی۔
انہوں نے کہا کہ وطن کے بیٹے اپنی سر زمین کی حفاظت کیلئے جانیں نچھاور کر رہے ہیں۔
رانا ثناء اللّٰہ نے مزید کہا کہ پوری قوم دہشت گردی کے خلاف جنگ میں متحد ہے، انشاء اللّٰہ دہشت گردی کے ناسور کا خاتمہ کر کے دم لیں گے۔