جبران ناصر کے اغوا پر HRCP کا تشویش کا اظہار

June 02, 2023

فائل فوٹو

انسانی حقوق کمیشن پاکستان (ایچ آر سی پی) نے جبران ناصر کو اغوا کیے جانے کی اطلاعات پر شدید تشویش کا اظہار کیا ہے۔

سوشل میڈیا پر جاری بیان میں ہیومن رائٹس کمیشن کا کہنا ہے کہ وکیل اور انسانی حقوق کے کارکن جبران ناصر کو مسلح افراد کی جانب سے اغوا کیے جانے کی اطلاعات پر تشویش ہے۔

ایچ آر سی پی نے مطالبہ کیا کہ جبران ناصر کو بحفاظت فوری طور پر بازیاب کرایا جائے اور انہیں اغوا کرنیوالوں کو قانون کے مطابق انصاف کے کٹہرے میں لایا جائے۔

واضح رہے کہ جبران ناصر کی اہلیہ اہلیہ منشا پاشا نے ویڈیو بیان میں بتایا کہ سفید ڈبل کیبن گاڑی میں سوار مسلح افراد نے ان کا راستہ روکا اور جبران ناصر کو زبردستی اپنے ساتھ لے گئے۔