فرمان الہی
نماز کے اوقات
پاکستانی سفیر برائے امریکا رضوان سعید شیخ نے کہا ہے کہ عوام کا حکومتِ پاکستان پر بھارت کو جواب دینے کا دباؤ ہے۔
امریکی ٹی وی کو انٹرویو میں رضوان سعید شیخ نے کہا کہ بھارت کو ایسا سوچنا ہی نہیں چاہیے کہ پاکستان خاموش رہے گا، بھارت نے تیسری رات لگاتار حملہ کیا ہے، 30 سے زائد پاکستانی شہید اور 70 سے زائد زخمی ہوئے ہیں۔
رضوان سعید شیخ نے کہا کہ پاکستان اور بھارت ماضی میں 3 جنگیں لڑ چکے ہیں، بھارت نے خود ساختہ طور پر پاکستان کو پہلگام واقعے کا ذمہ دار ٹھہرایا۔
انہوں نے کہا کہ بھارت کے پاس پہلگام واقعے پر کوئی ثبوت موجود نہیں، بھارت کو ثبوت دکھانے چاہئیں، پاکستان آزادانہ انکوائری کا حامی ہے، بھارت نے جنگ شروع کی تو پاکستان نے اپنا دفاع کیا۔
پاکستانی سفیر نے کہا کہ بھارت نے کرکٹ اسٹیڈیم پر حملہ کیا، کرکٹ اسٹیڈیم میں کیا دہشتگرد ہوتے ہیں؟ پاکستان کبھی جنگ نہیں چاہتا لیکن جواب دینے کا حق رکھتا ہے۔
رضوان سعید شیخ نے کہا کہ بھارت کا ماضی دیکھیں، جو نیپال سری لنکا میں ہوا سب کو معلوم ہے۔
