امجد صابری قتل کیس میں ان کے اہل خانہ اور عزیز و اقارب کے بیانات ریکارڈ کیے گئے ہیں۔تحقیقاتی حکام کے مطابق ابتدائی بیان میں اہلخانہ نے امجد صابری کو مبینہ دھمکیوں کا ذکر کیا تھا، تاہم گزشتہ روز کےبیان میں انہوں نے کسی دھمکی کا ذکر نہیں کیا۔
تحقیقاتی حکام کا کہنا ہے کہ امجدصابری کے مالی معاملات کا باریک بینی سے جائزہ لیا جارہا ہے، پولیس نےامجدصابری کےاثاثوں کی تفصیلات متعلقہ محکموں سےمانگ لیں،جبکہ ان کے منیجر سے عمرے سےواپسی پر تحقیقات کی جائے گی۔
تحقیقاتی حکام کا یہ بھی کہنا ہےکہ ایف آئی اے سے بھی امجد صابری قتل کیس کی تحقیقات میں مدد طلب کر لی گئی ہے،ایف آئی اے سے امجد صابری کی ٹریول ہسٹری بھی طلب کرلی ہے۔