اسلام آباد (ایوب ناصر، خصوصی نامہ نگار )ایف آئی اے نے تین خواتین سمیت 17 افراد کو گرفتار کرلیا ۔اینٹی کرپشن سرکل لاہور نے اوور بلنگ میں ملوث ایکسین مریدکے کامران نوید کو گرفتار کر لیا گیا ہے ،ملزم 48 لاکھ یونٹس کی اوور بلنگ کر کے صارفین سے کروڑوں روپے اضافی وصول کرنے کا موجب بن چکا ہے ۔بھیک مانگنے کے الزام میں سعودی عرب سے ڈی پورٹ ہونے والی 2 خواتین سمیت 4 مسافروں کوامیگریشن حکام نے پشاور ائرپورٹ پر گرفتار،لیڈی ریڈنگ ہسپتال پشاور میں لاکھوں روپے مالیت کی سرکاری ادویات کی خوردبرد کرنے کے الزام میں 3 ملازمین سمیت 6 افرادکو گرفتار کر لیا۔ علاوہ ازیں جڑواں شہروں میں پولیس نے 17 سماج دشمن عناصر کو گرفتار کرکے اسلحہ و منشیات بر آمد کر لی۔ انسداد منشیات فورس نے منشیا ت سمگلنگ کے 133 کلو سے زائد منشیات برآمد کر کے 4 ملزمان کو گرفتار کر لیا ۔ اسلام آباد پولیس نےسرچ آپریشن کے دوران 8مشتبہ افراد کو گرفتار کر کے تھا نہ میں شفٹ کر دیا ہے ۔