عیدِ قرباں کے موقع پر گھروں میں باربی کیو کا اہتمام تو اکثر دیکھنے میں آتا ہے مگر جب بات آتی ہے بکرے یا دنبے کی سالم ران بنانے کی تو عموماً اسے بنوانے کے لیے ریستوران کا سہارا لیا جاتا ہے۔
اس خاص رپورٹ میں بکرے اور دنبے کی ران کی پسندیدگی اور غذائیت کو ملحوظِ خاطر رکھتے ہوئے مختلف ریسیپیز بتائی جا رہی ہیں جو باآسانی گھر پر تیار کی جا سکتی ہیں۔
بکرے کی ران 1 یا ڈیڑھ کلو، کچری پاؤڈر 3 کھانے کے چمچ، انار کا سرکہ 2 کھانے کے چمچ، لہسن ادرک پاؤڈر 1 کھانے کا چمچ، جائفل جاوتری پاؤڈر 1/4 چائے کا چمچ، کالی مرچ پاؤڈر 1 کھانے کا چمچ، چلی پیسٹ 2 کھانے کے چمچ، نمک حسبِ ذائقہ، تیل تلنے کے لیے۔
پیالے میں انار کا سرکہ، کچری پاؤڈر، نمک، لہسن ادرک پاؤڈر، جائفل جاوتری پاؤڈر، کالی مرچ پاؤڈر اور چلی پیسٹ ڈال کر مکس کریں۔
ران کو اچھی طرح دھو کر کٹ لگا دیں، ران پر مسالے کا آمیزہ لگا کر 5-6 گھنٹے کے لےی میرینیٹ کریں، اب ایک بڑی دیگچی یا کڑاہی میں تیل گرم کر کے ران ڈال کر فرائی کریں، آنچ درمیانی رکھیں، ایک طرف سے سنہری ہو جائے تو پلٹ کر دوسری طرف سے فرائی کر لیں۔
سرونگ پلیٹ میں نکال کر لیموں اور حسبِ پسند چٹنیوں کے ساتھ سرو کریں۔
بکرے کی سالم ران ایک عدد، لیموں کا رس ایک چوتھائی پیالی، پپیتا دو کھانے کے چمچ، لہسن کا پیسٹ ایک کھانے کا چمچ، سفید سرکہ ایک پیالی، نمک حسبِ ضرورت، چاٹ مسالہ حسبِ ذائقہ، ہر ادھنیا، ادرک، لیموں سجانے کے لیے۔
بکرے کی ران پر چھری سے نشان لگائیں اور ایک بڑی دیگچی میں پانی ڈال کر 45 منٹ کے لیے اس میں ڈبو دیں۔
اس کے بعد اس میں لیموں کا رس، نمک، ادرک، لہسن، سفید سرکہ اور پپیتا شامل کر کے 1 سے 2 گھنٹے کے لیے چھوڑ یں، 2 گھنٹے کے بعد دیگچی میں سے آدھا پانی نتھار لیں اور بقیہ پانی کو اُبلنے کے لیے چڑھا دیں۔
اب ران کو سیخ پر پروئیں اور کوئلے کی درمیانی آنچ پر سینک لیں، تیار ہونے پر چاٹ مسالہ، لیموں کا رس اور ہرا دھنیا چھڑ ک کر مہمانوں کو پیش کریں۔
بکرے کی ران ایک عدد، نمک حسبِ ذائقہ، دو لیموؤں کا رس، پپیتے کا پیسٹ دو کھانے کے چمچ، مکھن 5 کھانے کے چمچ، تیل 3 کھانے کے چمچ، پیاز دو سے تین عدد، ادرک لہسن کا پیسٹ دو کھانے کے چمچ، سرکہ 5 کھانے کے چمچ، زیرہ ایک کھانے کا چمچ (پسا ہوا)، ہلدی ایک چائے کا چمچ، لال مرچ ایک کھانے کا چمچ (پسی ہوئی)، پسا ہوا دھنیا ایک کھانے کا چمچ، گرم مسالہ ایک چائے کا چمچ (پسا ہوا)، ہرا دھنیا آدھی گٹھی، ہری مرچ دو سے تین عدد، پودینہ ایک چوتھائی گٹھی، ادرک ایک چھوٹا ٹکڑا (کٹا ہوا)، چاٹ مسالہ ایک کھانے کا چمچ۔
پہلے بکرے کی ران کو کٹ لگا کر اسے نمک، تھوڑا سا لیموں کا رس اور پپیتے کا پیسٹ لگ کر میری نیٹ کر نے کے لیے ایک طرف رکھ دیں، اب الگ پتیلی میں مکھن اور تیل گرم کر کے پیاز ڈال کر تھوڑا سا فرائی کریں، جب پیاز نرم ہونے لگے تو اس میں بکرے کی ران شامل کر کے تھوڑا سا بھون لیں۔
ران کا رنگ تبدیل ہو جائے تو اس میں ادرک لہسن کا پیسٹ، سرکہ، پسا ہوا زیرہ، ہلدی، پسی ہوئی لال مرچ، پسا ہوا دھنیا اور پسا ہوا گرم مسالہ شامل کر کے ایک سے دو منٹ تک بھونیں۔
پھر اس میں ایک گلاس پانی شامل کر کے ڈھک کر دم پر پکنے دیں، 25 سے 30 منٹ بعد جب ران گل جائے تو اس میں دھنیا، پودینہ، ہری مرچ اور ادرک شامل کر کے مکس کریں۔
آخر میں پلیٹر پر نکالیں، اوپر تھوڑا سا چاٹ مسالہ چھڑک کر گرم گرم پیش کریں۔
بکرے کی ران ایک سے ڈیڑھ کلو، سرکہ آدھی پیالی، ادرک لہسن پسا ہوا 2 کھانے کے چمچ، سویا سوس 2 کھانے کے چمچ، دہی ڈیڑھ پیالی، نمک حسبِ ذائقہ، لیموں 3 عدد، تیل 4 کھانے کے چمچ، کالی مرچ پاؤڈر 1/4 چائے کا چمچ، سفید زیرہ بھنا ہوا 1/4 چائے کا چمچ۔
ران کو صاف کروا کر اس کی ہڈی توڑ کر گہرے کٹ لگوا لیں تا کہ مسالہ اچھی طرح سے گوشت میں جذب ہو جائے، تمام اجزاء کو کسی بڑے باؤل میں اچھی طرح مکس کر لیں اور ران دھو کر مسالوں کا آمیزہ لگا کر کانٹے کے ساتھ اچھی طرح گود لیں تاکہ مسالہ اندر تک اچھی طرح چلا جائے، پھر ران کو دو گھنٹوں کے لیے رکھ دیں۔
اب ایک دیگچی میں مسالہ لگی ران رکھ کر ہلکی آنچ پر رکھ کر ڈھک دیں، جب پانی خشک ہو جائے تو تیل ڈال دیں، اگر گوشت کچا ہو تو ایک پیالی گرم پانی ڈال کر ہلکی آنچ پر دم پر رکھ دیں، آدھے گھنٹے بعد مزیدار روسٹ تیار ہو جائے گا، گرم گرم روٹی یا نان کے ساتھ پیش کریں۔
بکرے کی ران ڈیڑھ کلو، ادرک لہسن کا پیسٹ دو کھانے کے چمچ، پسی لال مرچ دو چائے کے چمچ، دہی ایک کپ، پیاز دو کھانے کے چمچ (تلی اور پسی ہوئی)، لیموں کا رس دو کھانے کے چمچ، نمک دو چائے کے چمچ، زیرہ دو چائے کے چمچ (بُھنا اور کٹا ہوا)، اورنج کلر ایک چٹکی، تیل ایک چوتھائی کپ، پانی دو کپ، کریم آدھا کپ، مکھن دو کھانے کے چمچ، قصوری میتھی ایک چائے کا چمچ، گرم مسالہ 5 چائے کے چمچ، ہرا دھنیا دو کھانے کے چمچ، ہری مرچ دو عدد۔
بکرے کی ران کو ادرک لہسن پیسٹ، پسی لال مرچ، دہی، تلی اور پسی ہوئی پیاز، لیموں کا رس، نمک، زیرہ اور اورنج کلر سے میرینیٹ کر کے 4 گھنٹے کے لیے رکھ دیں۔
اس دوران چھری یا کانٹے کی مدد سے اس پر اچھی طرح کٹ لگا دیں۔
تیل گرم کر کے بکرے کی ران کو دونوں طرف سے پانچ پانچ منٹ کے لیے فرائی کر لیں۔
پھر اس میں باقی بچا ہوا مسالہ پانی کے ساتھ شامل کریں اور ڈھک کر ہلکی آنچ پر ایک گھنٹے تک پکائیں، یہاں تک کہ ران گل جائے۔
اب اس میں کریم، مکھن، قصوری میتھی اور گرم مسالہ ڈال کر 15 منٹ مزید پکا لیں۔
آخر میں بکرے کی ران کو پلیٹ میں نکال کر باریک کٹا ہرا دھنیا اور سلائس میں کٹی ہری مرچ سے گارنش کر کے پیش کریں۔
بکرے کی ران ڈیڑھ کلو (بغیر ہڈی)، سرکہ آدھا کپ، دہی تین سو گرام، پیاز ایک عدد، ہری مرچ 4 عدد، لال مرچ (کٹی ہوئی) ایک کھانے کا چمچ، ادرک درمیانہ ٹکڑا (باریک کٹا ہوا)، لہسن 8 سے 10 عدد (باریک کٹا ہوا)، زیرہ ایک چائے کا چمچ (بُھنا ہوا)، کالی مرچ ایک چائے کا چمچ (پسی ہوئی)، گرم مسالہ ایک چائے کا چمچ، زعفران ایک چٹکی، سرسوں کا تیل حسبِ ضرورت، نمک حسبِ ذائقہ۔
سب سے پہلے زعفران کو سرکے میں بھگو دیں اور ران پر چُھری سے کٹ لگا کر اس پر نمک لگائیں، پھر اس پر کالی مرچ اور گرم مسالہ لگا کر دو گھنٹے کے لیے چھوڑ دیں، ایک مکسنگ باؤل میں دہی، کٹی ہوئی ادرک، کٹا ہوا لہسن، سرسوں کا تیل، کُٹی ہوئی لال مرچ، زیرہ اور زعفران سرکے کے ساتھ شامل کر کے آمیزہ تیار کر لیں۔
پھر اسے ران پر لگا دیں اور ران کو رات بھر کے لیے رکھ دیں، اوون کو 180 ڈگری پر گرم کریں، بیکنگ ٹرے کو گریس کر لیں اور اس پر ران رکھ دیں، ساتھ ہی پیاز اور ہری مرچ رکھ کر اوون میں پکنے رکھ دیں، جب اچھی طرح پک جائے تو اسے سلاد اور چٹنی کے ساتھ پیش کریں۔
بکرے کی ران ایک عدد، دہی ایک پاؤ، تیل حسبِ ضرورت، ادرک لہسن کا پیسٹ دو چائے کے چمچ، نمک حسبِ ذائقہ، گرم مسالہ دو چائے کے چمچ، کچا پپیتا دو چائے کے چمچ، خشخاش (پسی ہوئی) دو چائے کے چمچ، لال مرچ پاؤڈر ایک کھانے کا چمچ۔
ران صاف کر کے گہرے لمبے کٹ لگائیں اور اس پر پپیتا لگا کر دو گھنٹے کے لیے رکھ دیں، اب دہی، تیل، نمک، مرچ، پسی خشخاش، ادرک لہسن اور گرم مسالے کا پیسٹ بنا کر ہاتھ سے ران پر اچھی طرح لگا کر مزید کچھ دیر کے لیے چھوڑ دیں۔
اس کے بعد ایک بڑے برتن میں ران ڈال کر اتنی دیر پکائیں کہ وہ گل جائے اور پانی بھی خشک ہو جائے۔
ایک بڑے برتن میں پانی گرم کریں، اس میں بڑی چھلنی رکھ کر ران ڈال کر آدھا گھنٹہ پکائیں، اس کے بعد نکال کر ڈش میں رکھ کر فرنچ فرائز اور کھیرے سے سجا کر پیش کریں۔
ران ایک عدد، روز میری کے پتے ایک چائے کا چمچ (چوپ کیے ہوئے)، میتھی کے پتے ایک چائے کا چمچ (چوپ کیے ہوئے)، بریڈ کرمبز ایک چوتھائی کپ، لہسن کے جوے 3 عدد (باریک چوپ کر لیں)، پارسلے تین کھانے کے چمچ (چوپ کیا ہوا)، پیاز ایک عدد (چھوٹی باریک چوپ کر لیں)، نمک حسبِ ذائقہ، دھنیا پاؤڈر ایک چائے کا چمچ، میدہ 4 کھانے کے چمچ، تیل حسبِ ضرورت، سرکہ حسبِ ضرورت۔
ران کو سرکے سے اچھی طرح دھو کر صاف کر لیں، پیالے میں روز میری کے پتے، میتھی، پودینہ، بریڈ کرمبز، لہسن، پارسلے، پیاز اور نمک ڈال کر مکس کریں۔
ران پر چھری سے ترچھے کٹس لگائیں، تیار کیے ہوئے مکسچر کو ان کٹس میں بھریں، نمک، دھنیا پاؤڈر، میدہ ایک پیالے میں ڈال کر مکس کریں اور اس پاؤڈر مکسچر کو ران کے اوپر اچھی طرح لگا دیں۔
بیکنگ ٹرے میں ران رکھیں اور اس کے اوپر تیل ڈالیں، بیکنگ ٹرے کو پہلے سے گرم اوون میں 160 درجے پر رکھ کر 30 منٹ تک بیک کریں۔
اس کے بعد ٹرے کو اوون سے نکال کر حسبِ ضرورت پانی ڈال کر ٹرے کو دوبارہ اوون میں رکھیں اور 30 منٹ تک مزید بیک کریں، چاہیں تو فوائل سے ڈھک لیں۔
30 منٹ بعد اوون سے سرونگ ڈش میں نکالیں، مزیدار ہربز میرینیٹڈ لیگ تیار ہے، گرم گرم پیش کریں۔