ترجمان دفتر خارجہ نفیس زکریا کا کہنا ہے کہ ایم کیو ایم کے قائد کے پاکستان مخالف بیانات کا معاملہ وزارت داخلہ نے برطانوی ہوم منسٹری کے ساتھ اٹھایا ہے، برطانیہ سے اشتعال انگیز بیانات کا معاملہ اس قبل بھی اٹھا چکے ہیں۔
دفتر خارجہ اسلام آباد میں ہفتہ وار نیوز بریفنگ میں ترجمان نفیس زکریا کا مزید کہنا تھا کہ وزارت داخلہ کا برطانوی ہوم منسٹری کے ساتھ رابطوں کا میکینزم موجود ہے۔
انہوں نے بتایا کہ مقبوضہ کشمیر میں بھارت اب تک 80 کشمیریوں کو شہید اور 7 ہزار کو زخمی کر چکا ہے، بھارتی مظالم کے خلاف بین الاقوامی فورمز پر آواز اٹھا رہے ہیں۔
نفیس زکریا کا مزید کہنا تھا کہ بھارت اور اس کے دوست مقبوضہ کشمیر کی صورت حال سے توجہ ہٹانے کی کوشش کر رہے ہیں، لیکن دنیا ان حربوں سے نا واقف نہیں ہے۔