وزیراعلیٰ خیبر پختونخوا پرویزخٹک نے کہا ہے کہ انہوں نے ایسی بات نہیں کی کہ پنجابیوں نے حملہ کیا، پنجابی ان کے دوست ہیں۔ ان خیالات کا اظہار انہوں نے ’جیو نیوز‘ سے گفتگو کرتے ہوئے کیا۔
دوسری جانب ’جیو نیوز‘ کے پروگرام ’نیا پاکستان‘ میں مسلم لیگ ن کے رہنما آصف کرمانی کی طرف سے بلیک لیبل شہد کے ذکر پر تحریک انصاف کے رکن قومی اسمبلی شہریار آفریدی جذباتی ہو گئے۔
پروگرام کے میزبان طلعت حسین کو اس موقع پر پروگرام میں بریک لے کر دونوں کے درمیان بیچ بچاؤ کرانا پڑا۔
ادھر عوامی لیگ کے سربراہ شیخ رشید احمد کا کہنا ہے کہ عمران خان گرفتار ہوتاتو ملک میں خانہ جنگی ہو جاتی، ملک خانہ جنگی سے بچ گیا ہے،کہتےہیں کہ سولوفلائٹ لی، توکیا مولانا فضل الرحمان کے ساتھ نکلیں؟