کراچی کے علاقے سہراب گوٹھ میں سویاں بنانے کی فیکٹری میں آگ لگنے سے لاکھوں روپے کا سامان جل گیا ہے۔
فائر بریگیڈ حکام کے مطابق کراچی کےعلاقے سہراب گوٹھ میں واقع اختر کمپاونڈ میں قائم سویاں بنانے کی فیکٹری میں شارٹ سرکٹ کے باعث آگ لگ گئی تھی۔
آگ کی اطلاع ملتے ہی 2فائر ٹینڈرز موقع پر پہنچ گئے اور 30منٹ میں آگ پر قابو پالیا۔ آگ لگنے سے خوش قسمتی سے کوئی جانی نقصان نہیں ہوا، تاہم لاکھوں روپے کا سامان جل کر خاکستر ہوگیا ہے۔