امریکا نے روس پر طالبان کو ہتھیار فراہم کرنے کاالزا م عائد کیاہے ، امریکی وزیردفاع کا کہنا ہے کہ روس کا سامنا کریں گے۔
مزار شریف میں افغان طالبان کے بڑے حملے پر امریکا اور افغانستان شدید پریشانی میں مبتلاہیں، ہنگامی دورے پر افغانستان آئے امریکی وزیر دفاع نے میڈیا بریفنگ کے دوران اس الزام کی تردید نہیں کی کہ روس طالبان کو ہتھیار فراہم کررہاہے۔
انہوں نے کہا کہ بین الاقوامی قوانین کی خلاف ورزی پر امریکا روس کا سامنا کرے گا، روس اس سے پہلے بھی طالبان کو ہتھیار فراہم کرنے کی تردید کرچکا ہے ۔