پیپلزپارٹی کے رہنما سعیدغنی نےکہا ہے کہ پاناما کے معاملے پر عمران خان کا 10 ارب کی پیشکش کا الزام بہت سنگین ہے۔
سعید غنی کا میڈیا سے گفتگو کرتے ہوئے کہنا تھا کہ عمران خان کی ذمہ داری ہے کہ وہ اس اہم الزام کی وضاحت کریں، 10 ارب کی آفر لے کر کون آیا؟کس نے دی؟کس نے پیغام بھیجا؟سب سامنے آنا چاہیے۔
ان کا کہنا تھا کہ اگر ایسا کوئی پیغام آیا تو اس پر بھی وزیراعظم کے خلاف کارروائی ہونی چاہیے، عمران خان ن لیگ کے ساتھ پیپلزپارٹی کو بھی نشانہ بنانا چاہتے ہیں۔