حکومت بلوچستان کا ایک 9 رکنی وفد مطالعاتی دورے پر آج برسلز پہنچ گیا،جس کی قیادت آبپاشی اور توانائی کے وزیر نوابزادہ چنگیز خان مری کر رہے ہیں ۔
وفد میں صحت اور داخلہ امور کے وزراء کے ساتھ4 ممبران اسمبلی اور حکومت بلوچستان کے ترجمان انوارالحق کاکڑ بھی شامل ہیں ۔
وفد یہاں قیام کے دوران یورپین پارلیمنٹ سمیت دیگر اداروں کا دورہ کرے گا جہاں موجود حکام کے ساتھ باہمی دلچسپی کے دیگر امور پر بھی گفتگو ہوگی ۔
پہلے مو صول اطلاعات کے مطابق اس وفد کی قیادت وزیر اعلی بلوچستان نواب ثناءاللہ زہری نے کرنا تھی لیکن وہ اپنی دیگر مصروفیات کے باعث نہیں آسکے۔