وزیر قانون پنجاب رانا ثناء اللہ نے کہا ہے کہ جے آئی ٹی کے ثبوت مفروضوں اور من گھڑت کہانی پرمبنی ہیں۔ رپورٹ کا ہر ثبوت سپریم کورٹ کے سامنے رکھیں گے ۔ ملک اور آئین دشمن قوتوں کے ساتھ بھرپور جنگ لڑیں گے۔
فیصل آباد میں میڈیا سے گفتگو میں رانا ثناء اللہ نے کہاکہ جے آئی ٹی نواز شریف کے 36 سالہ سیاسی تاریخ میں ایک بھی کِک بیک یا کمیشن کا ثبوت حاصل نہیں کر سکی۔
پنجاب کے وزیر قانون نے بتایاکہ 12 اکتوبر کو جمہوریت پر شب خون مارا گیا تھا۔ اب دوبارہ ملک ترقی کر رہا ہے تو 12 اکتوبر کی جگہ 17 جولائی آ رہا ہے۔
انہوںنے کہا کہ ملک اور آئین دشمن قوتوں کے ساتھ بھرپور جنگ لڑیں گے۔ پوری پارلیمانی پارٹی اور ہر کارکن نواز شریف کے ساتھ ہے۔