امریکا میں ایک سو سال بعد مکمل سورج گرہن گزشتہ روزامریکا میں ایک سو سال بعد مکمل سورج گرہن دیکھا گیا اس دوران جہاں لاتعداد افراد سیاہ چشموں میں اس نظارے کو دیکھنے جمع ہوئے وہیں کچھ دیوانوں نے سورج گرہن کے دوران ہزاروں فٹ بلندی سے اسکائی ڈائیونگ کرتے ہوئے ویڈیو ریکارڈ کی اور ان لمحوں کو یادگار بنا دیا۔
امریکی ریاست میں خطروں کے یہ کھلاڑی ایک جہاز کے ذریعے آسمان کی بلندی پر پہنچے اورپھر جیسے ہی سورج کو گرہن لگنا شروع ہواتو یہ منچلے جہاز سے کود گئے اور فارمیشن تخلیق کرتے ہوئے یہ نظارہ کیمرے کی آنکھ میں قید بھی کرتے دکھائی دئیے یہاں تک کہ دن رات میں تبدیل ہو گیا اور سورج ایک رِنگ کی مانند دکھائی دیا ۔
سورج گرہن کو انجوائے کرنے کا یہ انداز آن لائن بھی بے حد پسند کیا گیا جسے لاتعداد لوگوں نے دیکھ کر سراہا۔