انسانی حقوق کی عالمی تنظیم ،ایمنسٹی انٹرنیشنل نے مقبوضہ کشمیرمیں پیلٹ گنوں کے استعمال پر پابندی کا مطالبہ کیا ہے ۔
ایگزیکٹو ڈائریکٹر ایمنسٹی انٹرنیشنل آکار پٹیل کا کہنا ہے کہ بھارتی فورسز کے پیلٹ گن حملوں میں سیکڑوں کشمیری بینائی سے محروم ہوچکے ہیں، جن میں بچے بھی شامل ہیں ۔لہٰذا مقبوضہ کشمیر میں بے گناہ کشمیریوں پر بھارتی فورسز کے ہلاکت خیز ہتھیار پیلٹ گنوں کے استعمال پر پابندی عائد کی جائے۔
ایمنسٹی انٹرنیشنل کے ایگزیکٹو ڈائریکٹر آکار پٹیل کا کہنا تھا کہ پیلٹ گنوں کے متاثرین کی حالت سے اندازہ ہوتا ہے کہ یہ کتنا خطرناک اور ہلاکت خیز ہتھیار ہے، انھوں نے کہا کہ کشمیر میں پیلٹ گنوں کا بے جا استعمال ہوتا ہے۔
ہتھیار کے نقصانات کا علم ہونے کے باوجود مسلسل استعمال پر حکام ذمہ دار ہیں، مقبوضہ وادی میں بھارتی فورسز کے پیلٹ گن حملوں میں سینکڑوں کشمیری بینائی سے محروم یا معذور ہوچکے ہیں۔