یوں تو آپ نے اکثر منچلوں کو باسکٹ بال کھیلتے ہوئے دیکھا ہی ہوگا لیکن جناب ویڈیو میں نظر آنے والی چین کی ان دادی جان کے تو کیا ہی کہنے کہ جو عمر کی پروا کئے بغیر نوجوانوں کی طرح باسکٹ بال کھیلنے کا شاندار مظاہرہ کر رہی ہیں۔
چین سے تعلق رکھنے والی80سالہ بزرگ خاتون کئی برسوں سے باسکٹ بال کی پریکٹس کرتی آ رہی ہیں اور اب بھی نوجوان کھلاڑیوں کی طرح باسکٹ بال کھیلنے کا شاندار مظاہرہ کرتی ہیں۔
یوں عمر کی پرواہ کئے بغیر باکسٹ بال کھیلتی اور کرتب پیش کرتی دادی جان کو دیکھ کر نہ صرف نوجوان بلکہ معمر افراد بھی حیران ہیں جبکہ یہ ویڈیو سوشل میڈیا پر بیحد مقبول ہو چکی ہے جسے اب تک لاکھوں افراد دیکھ چکے ہیں۔