اقوام متحدہ کی جنرل اسمبلی کے سالانہ اجلاس میں جہاں متعدد ملکوں نے دیگر ملکوں پر الزام تراشی کی گئی وہیں کینیڈا ایک ایسے ملک کے طور پر سامنے آیا جس کے وزیراعظم نے خود اپنے ہی ملک میں انسانی حقوق کی خلاف ورزیوں پر بات کی۔
کینیڈا کے وزیراعظم جسٹن ٹروڈو نے اپنے ملک کے قدیم نسلی باشندوں کی حالت زار پر بات کی۔
انہوں نے کہا کہ کینیڈا کے قدیم نسلی باشندوں نے طویل عرصے تک تذلیل کا سامنا کیا،حکومت اُن کی روایات کا احترام نہیں کرتی تھی۔
کینیڈین وزیر اعظم نے مزید کہا کہ کینیڈا میں 14لاکھ قدیم نسلی باشندے رہتے ہیں اور اب جسٹن ٹروڈو کی حکومت ان کی بحالی کی کوشش کر رہی ہے۔
جسٹن ٹروڈو کا یہ بھی کہنا ہے کہ کینیڈا میں رقبے کے لحاظ سے تین بڑے صوبوں میں سے دو میں قدیم نسلی باشندوں کی اکثریت ہے۔