یوں تو ویٹ لفٹنگ اپنی نوعیت کی ایک مشکل ترین مشق ہے جس میں بڑے بڑے بھی ناکام ہوجاتے ہیں لیکن اس امریکی بچی کی مہارت کی داد دینی پڑے گی جو اتنی سی عمر میں بھاری بھرکم وزن اُٹھا کر ویٹ لفٹنگ کا شاندار مظاہرہ کر رہی ہے۔
امریکی ریاست کیلیفورنیا کے شہر سین فرانسسکو سے تعلق رکھنے والی بارہ سالہ بچی نہ صرف ویٹ لفٹنگ کی ماہر ہے بلکہ جمناسٹک اور مارشل آرٹ کی شاندار صلاحیت بھی رکھتی ہے اور اپنی ویٹ لفٹنگ مہارت کی بناپر امریکا کی نیشنل یوتھ چیمپئن بھی بن چکی ہے ۔