پنجاب کےوزیراعلیٰ محمد شہبازشریف کاکہناہےکہ تبدیلی کےنعرےلگانے والوں نے اپنا تمام وقت دھرنوں اور منفی سیاست میں برباد کیا،شعبدہ بازی ، دھرنوں اور الزامات کی سیاست عوام کی خدمت نہیں ہے۔
لاہورسےجاری بیان میں شہبازشریف نےکہاکہ تبدیلی کے دعوےداروں نے عوام کو مایوسی کے سوا کچھ نہیں دیا،ان کاکہناتھاکہ انہوں نےعوام کی خدمت کے دعوے نہیں بلکہ عملی اقدامات کئے ۔
انہوں نے کہا کہ صوبے بھر میں ترقیاتی منصوبوں کا جال بچھایا ،جن کی تکمیل سے خوشحالی کا دور دورہ ہو گا۔
وزیراعلیٰ پنجاب نےکہاکہ عوام کو ان کی دہلیز پربنیادی سہولتوں کی فراہمی یقینی بنائی گئی ہے،ترقی کے ثمرات سے عوام پوری طرح مستفید ہو رہے ہیں،دکھی انسانیت کی خدمت ہی عبادت ہےاوروہ عوام کی خدمت عبادت سمجھ کررہے ہیں۔