جاپان نے کہا ہے کہ وہ اپنے لڑاکا طیاروں کو طویل فاصلے تک مار کرنے والے کروز میزائلوں سے لیس کرے گا۔یادرہے کہ شمالی کوریا کی جانب سے مسلسل بین الالبراعظمی میزائلوں کے تجربات کے بعد خطے میں سلامتی کی صورتحال بگڑگئی ہے۔
جاپانی میڈیا کے مطابق وزیر دفاع اتسْونوری اونودیرا نے بتایا ہے کہ سلامتی کے ماحول کے لئے جاپان کو اپنی دفاعی صلاحیت میں اضافہ کرنے کی ضرورت ہے۔انہوں نے کہا کہ وزارتِ دفاع میزائلوں کی تین ایسی اقسام پر غور کر رہی ہے جو دشمن کے دفاعی نظاموں کی پہنچ سے باہر کام کر سکتے ہیں۔
ناروے کے تیار کردہ ’جے ایس ایم‘ یعنی جوائنٹ اسٹرائیک میزائل کی حدِ مار 500 کلو میٹر ہے اور یہ ایف 35 اے لڑاکا جیٹ طیاروں پر نصب کیے جائیں گے۔ امریکا کے تیار کردہ میزائلوں کیِ مار کی حد 900 کلومیٹر ہے اور یہ ایف 15 فائٹرز پرنصب کیے جا سکیں گے۔
انھوں نے مزید کہا کہ یہ میزائل سیلف ڈیفنس فورسز کو اپنے عملے کا تحفظ یقینی بناتے ہوئے دشمن کی جارحیت کا منہ توڑ جواب دینے کی صلاحیت فراہم کریں گے تاہم جاپان کسی ملک کے فوجی اڈوں پر حملہ نہیں کرے گا۔