چین کا شہر ’ہاربن‘ سب سے زیادہ برف باری ہونے کے سبب سیاحوں کا پسندیدہ شہر سمجھا جاتا ہے۔ اسی شہر میں موسم سرما کے حوالے سے ایک نیا کھیل متعارف کرایا گیا ہے۔
پلاسٹک سے بنی بال کو پہن کر کھیلنے والے اس گیم کا آغاز ہاربن سے ہوا اور اب اسے چین کے دیگر شہروں میں بھی بے حد پسند کیا جارہا ہے۔
اس کھیل کو کچھ اس طرح سے کھیلا جائے گا کہ دو ٹیمیں اس بڑی سی بال کو پہن کرآمنے سامنے موجود ہوں گی اور انہیں ایک دوسرے کو نیچے گرانا ہوگا جو پہلے برف پر گرے گا اس کی شکست ہوگی۔
اس کھیل کی دلچسپ ویڈیو سوشل میڈیا پر بھی وائرل ہوگئی ہے جس میں بچے تو کیا بڑے بھی اس بال کو پہن کر اچھل کود کرتے نظر آرہے ہیں۔
یہ کھیل خاص برف پر کھیلنے کی غرض سے بنایا گیا ہے اور تب ہی اس کے لیے ہاربن شہر کا انتخاب کیا ہے کیونکہ موسم سرما کی نسبت سےہونے والےتمام فیسٹیول بھی یہیں منعقد کئے جاتے ہیں۔