نیوزی لینڈ کے گولڈن بے میں امدادی مقاصد کے لئے گتے سے بنی کشتیوں کی انوکھی ریس کا انعقاد کیا گیا جس میں ہر عمرکے افراد نے زوروشور سے حصہ لیا اور جیتنے کی دھن میں ایک دوسرے سے آگے بڑھتے ہوئے دکھائی دئیے۔
ہر سال منعقد کی جانے والی اس دلچسپ ریس میں جہاں شرکا نے اپنی تخلیقی صلاحیتوں کا مظاہرہ کر تے ہوئے گھر میں کا رڈ بو رڈ سے کشتیا ں تیار کیں وہیں خود بھی دلچسپ و عجیب کاسٹیوم زیب تن کئے مقابلے میں شرکت کے لئے پہنچے۔
جھیل کے پانی میں موٹر اور مشین کے استعمال کے بغیر چپو چلا کر چلائی جانے والی کارڈبورڈ کشتیاں بمشکل ہی تھوڑا سا فاصلہ طے کر پائیں لیکن جو کشتی پانی میں بغیر ڈوبے مقررہ فاصلہ طے کرنے میں کامیاب رہی اسے فاتح قرار دیا گیا۔
اسی طرح بہترین ڈیزائن کی کشتی کو پرائیڈ آف دی فلیٹ اورڈرامائی انداز میں ڈوبنے والی کشتی کو دی ٹائی ٹینک ایوارڈ سے نوازا گیا۔