نیپال میں بنگلہ دیش کا مسافر طیارہ لینڈنگ کے دوران حادثے کا شکار ہوگیا، جسکے نتیجے میں پچاس افراد ہلاک، متعدد زخمی اور نو لاپتا ہیں۔
حادثہ کٹھمنڈو ائرپورٹ پر پیش آیا، ڈھاکا سے آنے والا یو ایس بنگلہ ایئرلائن کا مسافر طیارہ لینڈنگ کرتے وقت توازن برقرار نہ رکھ سکا اورایئرپورٹ کے جنگلے سے ٹکرایا اور شعلوں میں گھر گیا۔
طیارے میں سڑسٹھ مسافر اور عملے کے چار افراد سمیت اکہتر افراد سوار تھے، نیپالی حکام کے مطابق اب تک پچاس لاشیں نکالی جاچکی ہیں، کچھ افراد کو اسپتال پہنچا دیا گیا ہے جبکہ نو افراد ابھی تک لاپتا ہیں، حادثے کے مقام پر امدادی کارروائیاں جاری ہیں۔