پاکستان تحریک انصاف کے رہنما عمران اسماعیل نے دعویٰ کیا ہے کہ ڈاکٹر عامر لیاقت حسین تحریک انصاف میں شمولیت اختیار کر رہے ہیں۔
تحریک انصاف کے رہ نما عمران اسماعیل کے مطابق عامر لیاقت حسین پیر کو چیئرمین تحریک انصاف عمران خان کے ساتھ پریس کانفرنس میں پی ٹی آئی میں شامل ہونے کا اعلان کریں گے۔
واضح رہے کہ اس سے قبل بھی ڈاکٹر عامر لیاقت حسین کی پی ٹی آئی میں شمولیت کے حوالے سے خبریں گرم ہوئی تھیں تاہم بعض وجوہات کی وجہ سے وہ تحریک انصاف میں شامل نہیں ہوسکے تھے۔