ڈی جی آئی ایس پی آر میجر جنرل آصف غفور نے کہا ہے کہ پاکستان نے اپنی سرزمین سے تمام دہشت گرد گروہوں کا کامیابی سے صفایا کیا، پاکستان نے حقانی نیٹ ورک سمیت کسی دہشت گرد گروہ کو نہیں بخشا۔
انہوں نے خلیجی اخبار گلف نیوز کو انٹرویو دیتے ہوئے کہا کہ دہشت گردی کوجڑ سے ختم کرنے کی بھاری قیمت چکائی ہے، دہشت گردی کے خلاف جنگ میں 75 ہزار پاکستانیوں نے اپنی جانیں دیں۔
میجر جنرل آصف غفور کا کہنا تھا کہ دہشت گردی کے خلاف جنگ میں سو ارب ڈالرسے زیادہ کا نقصان ملکی معیشت کو پہنچا۔
ان کا یہ بھی کہنا تھا کہ پاک، بھارت تعلقات کو معمول پرلانے کے لیے مسئلہ کشمیر کا حل ضروری ہے۔