کراچی صدر کے علاقے میں ایک عمارت کی پارکنگ کی دوسری منزل سے کار بے قابو ہو کر نیچے جا گری جس سے ایک شخص زخمی ہوگیا ۔
کراچی کے علاقے صدر میں قائم ناز پلازہ کی پارکنگ کی دوسری منزل سے کار بے قابو ہو کر دیوار توڑتی ہوئی نیچے جا گری،جس سے ایک شخص زخمی ہو گیا۔
علاقہ مکینوں کے مطابق چوکیدار عمارت کی دوسری منزل کی پارکنگ پر گاڑی پارک کرنے لگا تو کار بے قابو ہو کر نیچے گرگئی ۔
ریسکیو ذرائع کے مطابق حادثہ میں ایک شخص زخمی ہوگیا ،زخمی شخص کی شناخت 25 سالہ ذوالفقار کے نام سے ہوئی ہے جسے طبی امداد کے لیے سول اسپتال منتقل کیا گیا ہے۔