محکمہ موسمیات نے کراچی میں کل سے منگل تک گرمی بڑھنے کا امکان ظاہر کیا ہے۔
محکمہ موسمیات کے مطابق شہر قائد میں سمندری ہوائیں رکنے سے گرمی کی شدت میں اضافہ ہوگا، درجہ حرارت 36سے 38ڈگری سینٹی گریڈ کےدرمیان رہنے کا امکان ہے۔
محکمہ موسمیات کے ڈائریکٹر شاہد عباس کا کہنا ہے کہ ہوا میں نمی کم ہونے کی وجہ سے درجہ حرارت کی شدت زیادہ محسوس نہیں ہوگی۔
انہوں نے یہ بھی بتایا کہ بدھ سے سمندری ہوائیں چلنے کے بعد موسم بہتر ہوجائے گا۔