چاند کے بغیر زمین پر زندگی کیسی ہوگی؟؟

March 28, 2018

ایک نئی تحقیق کے بعد یہ بات سامنے آئی ہے کہ زمین کے گرد چکر لگاتا چاند آہستہ آہستہ زمین سے دور ہوتا جارہا ہے۔ اور نہ صرف دور ہورہا ہے بلکہ اس کی رفتار بھی کم ہوتی جارہی ہے۔ اگر ایک رات اچانک چاند غائب ہوجائے اور کبھی واپس نہ آئےتو کیا ہم نے سوچا ہے ’چاند کے بغیر دنیا کیسی ہوگی‘؟؟

چودھویں کا چاند ’وینس‘ کے مقابلے میں 14 ہزار گنازیادہ روشن ہے لیکن اگر چاند اسی طرح زمین سے دور ہوتا چلا گیا تو ہر دن ایسا اندھیرا ہوگا جیسےہر’ نیو مون ‘ پررات ہوتی ہے۔

اسی لیے ہر نئ صبح اس بات کا احساس دلاتی ہےکہ چاند ہمارے لیے کتنا ضروری ہے۔ چاند کا زمین اورسورج کے درمیان پہنچنا اور زمین کا اپنے مدارمیں گھومنا اتنی اہمیت کا حامل نہیں ہے جتنا ایک صرف ایک چاندکا زمین کے گرد گھومنا ہےاور اگر ایسا نہ ہو تو زمینی نظام درہم برہم ہوجائے گا۔

Your browser doesnt support HTML5 video.

یہی چاند زمین پر موجودپانی کی لہروں پر بھی بےحد اثرانداز ہوتاہے۔ بغیر چاندکےزمین پر موجود پانی کی لہروں میں جاری اُتائو چڑھائو نہ صرف رکےگا بلکہ پانی ایک جگہ ٹہر جائے گا جس سے آبی حیات متاثر ہوںگی، ان میں بڑی تعداد کیکڑوں اور گھونگوں کی شامل ہےکیونکہ یہ وہیں’ ٹائڈل زون‘میں پائے جاتے ہیں۔

چاند کا نہ ہونا ہمارا ماحولیاتی نظام بھی تباہ کرسکتا ہے کیونکہ جن جانوروں کی خوراک کیکڑے اور گھونگے ہیں جب اُن کو اپنی غذا نہیں ملے گی تووہ دوسری آبی حیات کو نقصان پہنچائیں گےجس کے سبب کئی دیگر مشکلات کا سامنا بھی کرنا پڑسکتا ہے۔ یہی وجہ ہے کہ پچھلے کچھ سالوں میں زمین اور سمندر کی آبادی میں ایک بڑی حدتک کمی دیکھنے میں آئی ہے۔

سمندری مخلوق کی ایک بڑی تعداد چاند کی بڑھتی تاریخوں میں انڈے دیتی ہے تاکہ ان کی نسل بڑھ سکے لیکن اگر چاند نہیں ہوگا تو ان کی بڑھتی نسل کا سلسلہ بھی رک جائےگا اور ایک دن تمام آبی حیات کا دنیا سے نام و نشان مٹ جائے گا۔

چاند کے بغیر انسانی زندگی پر کوئی خاص فرق نہیں پڑے گا لیکن اگر کسی چیز میں تبدیلی آئے گی تو وہ ہمارا ’موسم‘ ہے۔ چاند کی بدولت لہروں کا چڑھنا اور اُترنا ٹھنڈے اور گرم پانی کو آپس میں ملاتا ہے جو موسموں میں تبدیلی کا باعث بنتا ہے لیکن اگر یہ سلسلہ تھم گیا تو ٹھنڈےترین علاقے ’ٹھنڈے‘ اور گرم ترین علاقے’گرم‘ رہ جائیں گے۔

اس کے علاوہ ایک اور پریشانی جو درپیش آئے گی وہ محکمہ موسمیات کو ہوگی، کیونکہ وہ چاند کے بغیر موسم کی صورتحال بتانے سے قاصد ہوں گے۔

تمام تبدیلیاں ایک طرف مگر اس سے جو سب سے بڑی تبدیلی آئے گی وہ یہ ہے کہ ابھی زمین چاند کی کشش کی وجہ سے 23 اعشاریہ 5 ڈگری پر موجود ہےاور اگر چاند کاوجود ختم ہوجاتا ہے تو زمین 10 سے 45 ڈگری کے درمیان آجائے گی جو کہ ایک بہت ہی خطرناک بات ہے۔

چاندکی ضرورت صرف آج کےدور میں نہیں ہے بلکہ ماہرین کا خیال ہے کہ یہ 35 لاکھ سال پہلے سے زمین پر اہم کردار ادا کر رہا ہے۔ دوسری جانب یہ کہنا بلکل غلط ہے کہ چاند محض رات میں روشنی دینے کا کام انجا م کرتا ہےبلکہ یہ چاند ہی ہے جس کی بدولت زمین پر زندگی گزارنا ممکن ہوسکا ہے۔