پاکستان میں چین کے سفیر یاؤ ژنگ نے کہا ہے کہ شنگھائی تعاون کی تنظیم کا ایک اہم ترین اجلاس 10 جون کو چین میں ہورہا ہے جس میں پاکستان کی نمائندگی صدرممنون حسین اور اہم محکموں کے وزراء کرینگے ۔
ان کا کہنا تھا کہ اب بلوچستان تو کیا پورے پاکستان میں چینی باشندوں کے لئے سیکورٹی کا کوئی مسئلہ نہیں جس کا کریڈٹ حکومت، فوج اور ایجنسیوں کے ساتھ عوام کو بھی جاتا ہے۔
وہ اسلام آباد میں چینی سفارت خانے میں پاکستانی اورچینی صحافیوں اورمیڈیا پروفیشنلز کے ایک گروپ کو بریفنگ دے رہے تھے۔
چینی سفیر کا کہنا تھا کہ انہیں احساس ہے کہ بعض ممالک سی پیک کو ناکام بنانے پرتلے ہوئے ہیں لیکن وہ اپنے مقاصد میں کامیاب نہیں ہوں گے۔