برطانوی شہزادہ ہیری اور میگھن مارکل 19 مئی کو رشتہ ازدواج میں منسلک ہونے جارہے ہیں، اس شاہی شادی کے خوب چرچےہو رہے ہیں، ساتھ ساتھ عجیب و غریب شرطیں لگانے کا سلسلہ بھی جاری ہے۔
امریکی اخبار کے مطابق دنیا کے ایک بڑے اسپورٹس گیمبلنگ ہاؤس سے وابستہ پیڈی پاور نے بدھ کی صبح 13 شرطوں کی تجویز پیش کی، تاکہ سٹے باز اس میں حصہ لے سکیں۔
شرطوں میں سے کچھ یہ ہیں :کہیں میگھن شادی کی تقریب میں لیٹ تو نہیں ہوجائیں گی؟
کیا ملکہ برطانیہ الزبتھ دوم سبز ٹوپی پہنیں گی؟
کیا میگھن مارکل کے ساتھی اداکار پیٹرک ایڈمز شادی میں شریک ہوں گے؟
مرکزی ڈش کے طور پر کیا پیش کیا جائے گا؟
کیا شادی میں بارش ہوگی؟ یہ اور اس جیسی کئی عجیب شرطیں شاہی شادی پر لگائی جارہی ہیں
دوسری طرف شادی میں ایک دن باقی ہے ،اسی سلسلے میں جہاں تیاریاں مکمل کر لی گئی ہیں وہیں میگھن کی والدہ ملکہ الزبیتھ سے ملاقات کرینگی جبکہ میگھن کے والدشادی کی تقریب میں شریک نہیں ہو سکیں گے ۔میگھن کے بارہ فٹ لمبے دلکش لباس کی قیمت تین سے چار لاکھ پاؤنڈ ہے جبکہ شادی پر کل اخراجات 27ہزار پاؤنڈ تک آئینگے۔
پرنس ہیری کے بڑے بھائی پرنس ولیئم کی صاحبزادی شہرادی شارلیٹ برائیدمیڈ بنیں گی ۔صرف یہی نہیں شام میں منعقد کی گئی ریسیپشن پارٹی میں صرف دو سو مہمان شریک ہونگے جن کے لئے کی دعوت میں خصوصی طور پر تیار کردہ مزیدار ڈشیں بھی تیار کی جا رہی ہیں جبکہ مینیؤ بھی منظرِ عام پر آگیا ہے جس میں پیسٹریز ، کیک، رس بیری کا خاص مشروب،مچھلی کے گوشت کی کیناپیز،انڈوں سے بنی ڈش اور شہد کی آئس کریم سمیت کئی دیگر کھانے موجود ہونگے۔
کنسنگٹن پیلس کے مطابق پرنس ہیری اور میگن مارکل 19مئی کو شادی کے بندھن میں بندھ جائینگے جبکہ شادی کی تقریب دوپہر سینٹ جارج چیپل ، وِنڈسر کاسل میں منعقد کی جائیگی۔
یاد رہے کہ پرنس ہیری آنجہانی برطانوی شہزادی لیڈی ڈیانا کے چھوٹے صاحبزادے ہیں۔شہزداہ ہیری کے بڑے بھائی پرنس ولیم کی شادی کیٹ مڈلٹن سے ہوئی اور ان کے تین بچے ہیں۔
32 سالہ پرنس ہیری اور 36 سالہ اداکارہ میگن مارکل ایک دوسرے کے قریبی دوست تھے جس کے بعد انہوں نے شادی کا فیصلہ کیا۔